بعد وقت
تبسمت بحنان حين سمعت من تقول لها:
صباح الخير يا ماما مصحتنيش أقوم أنا أعمل الفطار ليه، الدكتور قال إيدك محتاجة راحة.ردت عليها بحنان:
هو تحضير الفطار هبتعب إيدي، يلا روحي اتوضي وصلي الصبح، وصحي أختك كمان عشان عندها درس خصوصي، وأخوكِ عشان يروح مدرسته، أكون خلصت الفطار.

بعد وقت
تفوهت والدتها بنهي:
بلاش تروحي الشركة دي، خلاص واضح كده الموظف ده معدوم الضمير، وأكيد بينفذ أوامر صاحب الشركة نستعوض ربنا، وخلاص ربنا هيدبرها من عنده، معاش باباكِ من وظيفة الحكومة.

..قاطعتها:
المعاش ده ميقضيش "سَِنا" دروس فى الشهر دي فى ثانوية عامة وأملها تدخل كلية الطب
هروح وآخر محاولة.

الأكثر قراءة الان

سأكتب اسمكِ على الرمال ل سعاد. محمد سلامه الفصل 14منذ 6 أيامسيطره ناعمة سوما العربي ١منذ سنةرواية انتقام خاطئ القسم الثالث بقلم نيفين بكرمنذ سنة

تنهدت بإستسلام.
بعد وقت كانت تسير بالشارع توقفت حين سمعت من ينادي عليها... تبسمت يخفق قلبها حين توقف امامها ذلك الشاب قائلًا:
صباح الخير يا سديم، رايحة الجامعة.
تبسمت له قائلة:
لاء رايحة مشوار مهم، إنت رايح فين.

رفع ذلك الرداء الخاص بالمحاماة، وتلك الحقيبة الصغيرة قائلًا:
عندي قضية فى المحكمة تبع مكتب أستاذ"جمال المنشاوي"قضية مهمة إدعيلي اكسبها وهجيب لك شيكولاتة من اللى بتحبيها.
ضحكت قائلة:
ربنا يوفقك... واضح أستاذ جمال بقي بيثق فيه ويديك قواضي كبيرة.

تبسم لها قائلًا:
استاذ جمال بيشجع الشباب، كمان عنده نظرة فى اللى قدامه، تعرفي لما كلمته عنك وإنك بتدرسي حقوق ونفسك تشتغلى بالمحاماة بعد ما تتخرجي طلب يشوفك.. وكنت هتصل عليكِ، الحمد لله وفرت تمن المكالمة وقابلتك، بكره الجمعة المكتب الليله الخميس أجازة، بكره ابقي اخدك ونروح له، ممكن يديكي فرصة تدربي فى المكتب عنده، ده بيمسك قواضي كتير وكبيرة.

تنهدت بتمني قائلة:
ياريت، أنا فاضلي سنه كمان غير اللى أنا فبها فاضل تيرم وتخلص، أدرب عنده.
عيناه لمعت بوميض خاص قائلًا بإبحاء:
حتي نبقي سوا وقت أكتر، ويمكن فى المستقبل نفتح مكتب محاماة سوا.
لم تفهم إيحاؤه فقط تبسمت قائلة:
ياريت.

ظل الاثنان معا لدقائق يتحدثان، الي ان نظر لساعة يده قائلًا:
الوقت يا دوب الحق المواصلات، هبقي اتصل عليكُ نحدد الوقت ونتكلم براحتنا.. على رواق.

غادر وهي ظلت واقفة تنظر فى أثره لدقائق قبل أن تنفض عن راسها، وذهبت الى تلك الشركة داخلها أمل قد يفلح هذه المرة
❈-❈-❈
بأفخم مناطق العاصمة، القاهرة، ارتفع أحد الأبراج كقطعة من الزجاج والرخام.. يحيط به السيارات الفارهة وحراسة مشددة لا تسمح لأحد بالاقتراب دون إذن مسبق.

..وعلى واجهته الأمامية، فوق الجدران اللامعة التي تجذب لمعان ضوء الشمس استقرت لوحة تعريفية ضخمة من المعدن الأسود المحفور بحروفٍ ذهبية بارزة تحمل اسم
"مجموعة الجلالة"
ذلك الاسم الذي بزغ في السنوات الأخيرة لاصبح يفرض الهيبة في النفوس، فاصيح الجميع يعلم أن وراء ذلك إمبراطورية إقتصادية قادمة لن تُقاس بالمال فقط، بل بالنفوذ والسلطة أيضًا.