فتح عينيه بعدم تصديق لتتابع بلا مبالاه " هيكون معاك غيارين بس تلبسهم طول السنة تغسل واحد على ايدك والتاني تلبسه ... مافيش كهربا ولا نت ممكن تمشي لكافتريا هناك تشحن تلفونك عشان تضوي الكشاف "
كان متأكد أنها تهذي أكيد لتكمل هيا " وهتفوت الحمام العمومي اللي هناك او تبع المسجد "

نظر لها بذهول وقال بعدم تصديق " انتي بتقولي ايه وانا اعيش عند الزبالة واعيش كل اللي قولتي ليه هتسفيدي ايه دي عيشة الحيوانات ما تقبلش فيها البني ادمين هتقبل"
صرخت به بقهر وجنون " لا في فيه ناس عايشة العيشة هادي في ٢ مليون ونص بني آدم عايشين العيشة دي واكتر من هيك بكتيييييييير "

نظر لها بعدم فهم وسأل بحزن " مين اللي عايش كدة "
ضحكت بسخرية وأجابت " أكيد نسيتهم زي ما الدنيا كلها نسيتهم "
لم يفهم كانا ينظران لبعض ليفتح عينيه على اخرها وقال " فلسطين انتي ... "

هزت رأسها وقالت بألم " اه غز..ة يا ياسين كل مرة بتحكيلي اني مش عارفة انت ايش شوفت انا عشت حر. ب غزة وكل اللي عقلك رفض يتخيل انك عيشته أنا عيشته انا وكل اللي هناك "

عرفت دموعه طريقها كلما تخيل أنها عاشت هكذا حياة سكتت قليلا ثم قالت " ماما مصرية وبابا فلسطيني كان هو وعمي في مصر شافها وتجوزها بعدها سيدي طلب منهم يرجعوا عمي رفض وبابا رجع هو وماما كانت الحياة اصلا صعبة كل كام شهر حر.

ب جديدة لغاية ما في ٧ اكتوبر صحينا على خبر حلو انه قدرنا ندخل اراضينا المحتلة ما خلصش اليوم والدنيا انقلبت نزوح وقص. ف وجوع ومرض وحياة الحيوانات فعلا بتقدرش تعيشها من مكان لمكان ومن خيمة لخيمة خوف كان نفسنا بالخضرا طيب فاكهة طيب لحم معدتي قرفت الفول استوينا"

ااااااه حرقة خرجت من جوفها أحرقت من يستمع لها بكل ألم الدنيا نظرت له وتابعت بدموع غزيرة " زعلت على مو*ت اخوك وتجننت عمرك روحت يا ياسين تعزي حد ب٤٠ من عيلته "

أغمض عينيه يهز رأسه ينفي وقلبه يتمزق قهرا لتكمل هيا " اختي كانت بتحب ابن عمي كتير وهو مجنون فيها خطبوا ٣ سنين عشان يكملوا شقتهم كان المفروض فرحهم ١٥ اكتوبر بس قامت الحر. ب كانت خايفة كتير على شقتهم تنق. صف "

سكتت قليلا تشهق بشدة من الوجع ثم تابعت بصوت مختنق " بس شقتهم فضلت وهو است..شهد "
بكت بشكل أكبر وقالت " انا عيطت كتير كتير بس هيا ولا دمعة كانت ساكتة خالص لغاية ما ماتت من الزعل ما قدرتش "

سحبها يضمها بقوة يتمنى لو يستطيع أخذ ألمها وهيا تشهق ابتعدت قليلا وقالت " قبل ما نروح الخيم كنا متأجرين بيت قص. فونا فيه البيت كله كان فوقنا صوت صر. اخ اكتر من ٤٠ شخص من عيلتي راحوا منهم بابا واخويا واخواتي الصغار فضلنا انا وماما واخويا واختي اللي بعدها ماتت من الزعل على خطيبها "