وبعدين ليلى قالت لي إنك لو وافقت، ليك عندي مكافأة تخليك تجيب ورشة تانية وتالتة وتجوز كل عيال الحارة دي."
سيد (بخبــ,,ـــــث): "ومكافأة ليلى هانم إيه؟"
عمر: "حماية قانونية يا معلم! يعني مفيش مخبر هيقدر يقول لك 'يا هادي' حتى.
وبعدين إنت مش هتمثل لوحدك، أنا هبقى معاك 'الظل' بتاعك. لو غلطت في كلمة، أنا هتدخل أصلحها."
سيد (ضحك): "إنت تتدخل؟ ده إنت لو شوفت صرصار في الفيلا هيغمى عليك! ده أنا اللي هحميك من عيلة الغول دي ."
عمر طلع تابلت (Tablet) وفتحه وبدأ يوري سيد صور "جلال":
عمر: "بص يا سيد.. ده جلال. شفت طريقة تسريحة شعره؟ شفت الساعة دي؟ شفت النظرة دي؟ دي نظرة 'أنا غني ومعايا فلوس كتير'."
سيد (بص للصورة بتركيز): "يا سبحان الله! يخلق من الشبه أربعين.. بس الراجل ده عينه فيها حزن، كأنه كان عارف إنه هيمــ,,ـــــوت.
"
عمر (بجدية لأول مرة): "جلال كان طيب يا سيد، وليلى كانت بتحبه بجد. ساعدها ترجع حقها، وأنا بوعدك إنك مش هتندم."
سيد (قام ووقف بكل طوله): "خلاص يا 'عمر بيه'.. أنا وافقت. بس بشرط، أول ما المهمة تخلص، ترجعوني الحارة في بوكس شرطة عشان يعملي هيبة في المنطقة اصلي مابحبش أركب المرسيدس بتاعتك دي، بتحسسني إني 'نونو' زيك.
"
عمر (بضحكة): "اتفقنا يا بطل.. يلا بينا عشان ليلى مستنيانا في الفيلا،
سيد بص لورشته بصه أخيرة، وحدف المفتاح الإنجليزي للصبي بتاعه وقال: "خلي بالك من الورشة يا واد يا برشامة.. ولو حد سال عليا قوله المعلم رايح يغير العالم وراجع!
"
********************'' '
By Engy ELkhateb ✍️
عمر دخل بسيد الفيلا، وسيد كان ماشي يتلفت حواليه، بيبص للنجف اللي مدلدل والسجاد اللي بيغطس فيه الرجل.سيد: "إيه يا عمر يا أخويا؟ ده إحنا لو رشينا الحارة كلها سبرتو مش هتبقى بالنضافة دي! إنتو عايشين في متحف ولا إيه؟
"
عمر: "اثبت بقى يا سيد، وبلاش تبريق بعينك كدة، ليلى زمانها نازلة.. استنى هنا في الريسبشن."
عمر سابه وطلع يشوف ليلى، وسيد وقف قدام مراية مذهبة كبيرة بيظبط ياقة قميصه . وفجأة، سمع صوت كعب رقيق نازل على السلم الرخام.
بص لقى بنت زي القمر، صغيرة في السن، لابسة فستان رقيق وشعرها نازل على ظهرها، وماسكة تابلت في إيدها.سيد تنح، ونسي كل اللي عمر قالهوله، وبص لها بإعجاب "ابن بلد"
سيد (بصوت واطي لنفسه): "يا صلاة الزين! هو في كدة؟البنت (ليليان) وقفت قدامه ورفعت حاجبها بدلع:
ليليان: "هاي.. إنت مين؟ وإيه اللي موقفك كدة كأنك بتبيع عرقسوس؟"
سيد (بضحكة): "هاي إيه يا شربات إنتي؟ أنا سيد.. أقصد أنا جلال، بس عامل نيولوك. إنتي بقى "مين؟"
ليليان (ضحكت ضحكة رقيقة): "؟اً، أنا ليليان
سيد (قرب خطوة وبص لها بإعجاب): "ليليان؟
اسمك يتاكل أكل والله. بصي يا ست البنات، أنا كنت فاكر ليلى هانم هي اللي موجودة،هنا لوحدها هي واخوها بس لو إنتي معانا تبقي العملية هتحلو اري ع الاخر .. يا كتكوتة
ليليان (بكسوف): "وضحكة اوووه انت تجننن انا عايزة اخدك معايا الجامعة افرجكك لصحابي
سيد: "جامعة إيه؟ ده إنتي المفروض تتحطي في فترينة ويتكتب عليها 'ممنوع اللمس'
By Engy ELkhateb ✍️
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.