By Engy ELkhateb ✍️
ليلى وقفت وقربت من سيد تعدل ليه الكرافتة في اللحظة دي سيد وليلي عنيهم اتقابلت ليلي ارتبكت وسيد من جواه حس بشعور غريب ليلي ارتبكت و سابت الكرافت وجت تتحرك رجلها اتلوت كانت هتقع سيد مسكها بين ايدية وقعت في حضــ,,ـنة وكان دا اول مرة يقربوا من بعض اوي كدا ليلي بعدت بسرعة وقالت
ليلى بجدية: "بص يا سيد.. جلال كان بيعشــ,,ـق السوشي، وكان بياكله بـ 'التشوب ستيكس' (الخشب) بمنتهى الرقة. لو متعلمتش ازاي تاكل السوشي قدام فوزية وعلاء، الخطة هتبوظ."
سيد (وهو بيبص للأطباق بقرف): "إيه اللي إنتي حطاه ده يا ليلى هانم؟
ده سمك لسه صاحي؟ ده ناقص يضرــ,,ـب غطس في كباية المية! وبعدين إيه الخشب ده؟ إحنا هناكل ولا هنبني عشة فراخ؟"
عمر ضحك بصخب: "يا سيد دي أصول الاكلة دي امسك الخشبتين كدة، وحاول تلقط حتة 'الكاليفورنيا رول' دي."
سيد ... ده سمك ني؟
إنتو جايبين لي طعم للصيد ولا إيه؟ فين الرز؟ فين الطبيخ اللي يرم العضم؟"
ليلى (بصرامة): "سيد! جلال كان بيعشــ,,ـق السوشي، ولازم تتعود تاكله قدامهم. امسك الخشبتين دول (Chopsticks) وحاول تاكل القطعة اللي ادهالك عمر ."
سيد حاول يمسك الخشبتين، القطعة طارت من إيده ولبست في كرافتة عمر.
عمر: "يا ساتر! حاسب يا عم البدلة باظت يا سيد!"
سيد: "أنا أسف يا عمور، بس البتاع ده بتتزفلط.. وبعدين إيه الأكل اللي بيطير ده؟ أنا عايز حاجة تثبت في كرشي."
ليلي بصتلة وقالت كرشك ؟!!
احنا قولنا ايه يا سيد ناخد بالنا من الكلام ونبطل شغل حارة الجيارة دا انت بقيت جلال خلاص يعني تتصوف وتاكل وتمشي وتتكلم زية بالظبط زي ما انا علمتك انسي انك سيد نهائي
ليليان (ميتة من الضحك): "والله يا سيد إنت مسخرة! جرب تاني بس بالراحة.
"
سيد رمى الخشب من إيده وزفر بضيق، ولقى ليلى بتبصله بتركيز وصرامة. قربت منه، ووقفت وراه بالظبط، لفت إيديها حواليه ومسكت إيده بالراحة عشان تعلمه يمسك الخشب إزاي.في اللحظة دي، الوقت وقف. سيد شم ريحة برفان ليلى وحس بنفسها الهادي جنب ودنه.
ليلى .... بصوت واطي وناعم "براحة يا سيد.. متشدش على الخشب كدة. خليك رقيق زي ما جلال كان بيعمل. امسك من الطرف.. أيوه كدة."
By Engy ELkhateb ✍️
سيد بص لها في عينها بجرأة "إنتي عارفة يا ليلى..
لو جلال كان بياكل ب الخشب ده عشان رقيق وكان عاجبك ، فأنا ممكن آكل الصيني نفسه عشان بس تفضلي ماسكة إيدي بحنية كدة
ليلى ارتبكت، وسحبت إيدها بسرعة ووشها بقى أحمر زي الفراولة:
ليلى بتلجلج: "كـ.. كمل أكل يا سيد، وبلاش كلام مالوش لازمة."
سيد قرر "يشاكسها" أكتر، طلع من جيب البدلة "كيس صغير" فيه بصل أخضر وفصين فسيخ مخلي، وحطهم وسط أطباق السوشي الغالية.سيد: "بصي بقى يا ست ليلى.. السوشي ده 'هجص' وبيدخل يغني في البطن. مفيش أحسن من لقمة حرــ,,ـشة تظبط الدماغ.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.