"
عمر سابهم وطلع يكلم ليليان في الموبايل، وسيد استغل اللحظة وقرب من ليلى أكتر، لدرجة إنه بقى مفيش بينهم غير خطوة واحدة.سيد (بصوت واطي وعميق): "عارفة يا ليلى.. البدلة دي غالية أوي، والبرفان ده بيخلي الواحد يحس إنه طاير..
بس الحاجة الوحيدة اللي بجد خلتني أحس إني 'باشا'، هي النظرة اللي في عينيكي أول ما دخلت. إنتي انبهرتي بيا يا ليلى، صح؟"
ليلى (لفت وشها الناحية التانية وبتحاول تبان باردة): "انبهار إيه يا سيد؟ إنت أداة في مأمورية.. أنا بس كنت بتأكد إن فوزية وعلاء مش هيكشفوك.
إنت شكلك دلوقتي يقنع أي حد، بس لسانك لسه محتاج شغل."
سيد (ضحك ضحكة رجت كيانها): "لساني؟ لساني مبيقولش غير اللي في قلبي. والقلب يا ليلى هانم، بدأ يدق ليكي إنتي.. مش الرائد ليلى اللي بتزعق، لا..
ليلى اللي واقفة قدامي دلوقتي وبتحاول تخبي إنها معجبة بـ 'البلطجي' اللي لبس بدلة."
ليلى (بحدة مصطنعة): "سيد! الزم حدودك! إحنا في مهمة، والنهار بكرة هيطلع وهنروح الفيلا، وأي غلطة هتدفع تمنها غالي."
سيد (مسك إيدها بالراحة، ومن غير ما تمنعه): "أنا مستعد أدفع أي تمن.
. بس قولي لي إنك شفتيني بجد. قولي لي إن سيد شقاوة لما بقى جلال، قدر يلمس حاجة جواكي إنتي كنتي حلفا مية يمين إنها ماتت مع جلال الحقيقي."
ليلى سحبت إيدها ببطء، وعينيها كانت مليانة بلمعة دموع محبوسة ومشاعر متلخبطة:
ليلى: "جلال الحقيقي مكنش بيبص لي كدة يا سيد.
. جلال كان بيحبني بعقله، بس إنت.. إنت بتبص لي بطريقة بتخوفني من نفسي. ، روح ارتاح،انت تعبت طول اليوم وعايزاك تصحى 'جلال الغول'.. مش عايزة أشوف سيد خالص في الفيلا."
سيد (وهو ماشي ورايح لأوضته): "هحاول يا ليلى..
بس افتكري، إن جلال اللي هتشوفيه بكرة، قلبه هو قلب سيد اللي عمره ما كذب في كلمة حب."
ليلى فضلت واقفة لوحدها في الصالة، سانده على التربيزة وبتحاول تاخد نفسها. كانت حاسة إنها بتلعب بالنــ,,ـــــار، وإن "البلطجي الشيك" ده بقى خطر على قلبها أكتر من خطر عيلة جلال على ورثها.
By Engy ELkhateb ✍️
سيد وهو علي السلم ندهت عليه وقالت سيد بكرة في عزومة هنا انا عملاها لينا كلنا مع بعض العزومة دي اختبار ليك اما اشوف انت اتغيرت فعلا ولا لسة شوية
سيد ابتسم ليها ومنطقش ولا كلمة واتجه لاوضتة وهو سرحان في قلبة اللي اتعلق بليلي من غير ما يحس
بقلم انجي الخطيب
يتتتبع
ليلى قررت إن أول اختبار لسيد يكون "عزومة عشاء" رسمية في البيت عشان تدربة علي اكل السوشي اللي كان بيحبة جلال قبل ما يواجهو عيلة جلال
السفرة كانت مرصوصة بمنتهى الشياكة، أطباق صيني مذهبة، وشموع، وفوقهم "سوشي" بأشكال وألوان غريبة.
عمر وليليان قاعدين مترقبين،
سيد نزل وهو لابس بدلة جلال السودة، وشكله كان "جنتل مان" مرعب، لدرجة إن ليليان أول ما شافته صفرت:
ليليان: "أوبا! إيه الشياكة دي يا سيد؟سيد وهو بيشد الياقة يا بنتي دي اقل حاجة عندي بس دا ميمنعش أني حاسس إن البدلة دي خانقة زمارة رقبتي، أنا خايف أعطس الجاكيت يضرــ,,ـب في وش عمر
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.