"
سيد (بغمزة): "ده 'المنقذ'.. شوية فسيخ مخلي وعليهم بصل أخضر، قلت لو السوشي بتاعكم ده طلع 'هجص' أسلك أنا حالي."
ليلى وليليان وعمر تنحوا من الصدمة، ريحة الفسيخ بدأت تفوح في اوضة السفرة
ليلى (بصدمة): "فسيخ يا سيد؟ في فيلة جلال؟سيد...
دوقي دي من إيدي وانسى إنك الرائد ليلى لدقيقة واحدة."
سيد لغم لقمة فسيخ بالبصل وحطها قدام بق ليلى. ليليان وعمر كانوا بيبصوا بذهول.. "هل ليلى هانم هتاكل فسيخ؟". ليلى بصت لعين سيد، لقت فيها صدق وحنية غريبة، فـ "استسلمت" وفتحت بوقها وكلت اللقمة.
ليلى وهي بتمضغ وبتحاول تخبي استمتاعها "طعمها.. طعمها غريب بس حلوة."
سيد بابتسامة نصر: "حلوة عشان من إيد سيد.. وعشان إنتي أصلاً بنت بلد وجدعة، بس البدلة الميري دي خنقاكي. اضحكي يا ليلى هانم.. اضحكي عشان الدنيا تنور.
"
ليلى ضحكت ضحكة صافية من قلبها، وليليان وعمر انضموا ليهم وبدأوا ياكلوا مع سيد بصل وفسيخ وسط السوشي، والفيلا اللي كانت دايماً كئيبة ورسمية، اتملت بصوت ضحكهم.ضحكت ليلي من قلبها لأول مرة من ساعة مــ,,ـوت جلال.ليلى ... إنت بوظت البريستيج خالص! يا سيد
By Engy ELkhateb ✍️
سيد بص لها بحنية البريستيج ده كلام فاضي يا ليلى هانم.. المهم إن الضحكة دي طلعت. شوفي وشك نور إزاي؟ والله العظيم إنتي لو ضحكتي علطول، المجرمين هيسلموا نفسهم من غير مقاومة."
ليلى ارتبكت وبصت في الطبق، وسيد كمل اكلة بس عينة علي ليلي وقلبة بيدق ميعرفش ليه
ليلى وهي بتبص لسيد بإعجاب مكتوم" انت عارف يا سيد؟ إنت بوظت الأسبوع كله في دقيقة.. بس تصدق؟ أنا بقيت بحب الـ 'بوظان' ده أكتر من النظام."
سيد (بغمزة): "ده أنا لسه هبوظلك كل قواعد المنطق يا ليلى هانم.. بس اصبري عليا."
سيد: "بقولك إيه يا عمر، هو جلال ده مكنش عنده "مخلل" في البيت؟ البيت ده ناقصه روح يا جدع، كله رخام وسيراميك.. ناقص نجيب "دي جي" ونشغل 'مهرجانات' عشان العفش ده يرقص شوية."
عمر قعد يضحك لدرجة إنه دمع، وليليان بدأت تسأل سيد عن حكايات الحارة، وسيد بدأ يحكي لها عن "عبده مــ,,ـوتوسيكل" و"شحتة الفل"، وليلى قاعدة مراقبة المشهد وبتقول في نفسها: "يا ريتك كنت جلال يا سيد.
. أو يا ريتني مكنتش ظابطة."
عمر بص لليليان وهمس لها: "الحقي يا ليليان.. قلب أختك ليلي الجليدي بدأ يسيح في 'شقاوة' وغمزلها بضحك
خلص العشاء، وسيد قام وقف وقال:
سيد: "أنا هطلع أنام بقى يا جما.
عة، بس حد يبعت لي 'كلونيا' عشان ريحة البصل دي ماتعملش قلق في سرايا النيابة اللي فوق دي."
سيد طلع، وليليان بصت لأختها وقالت:
ليلى.. سيد ده أجدع بكتير من ناس كتير عرفناهم.
خلي بالك عليه."
ليلى سكتت، وبصت للكرسي الفاضي، وحست إن "التمثيلية" دي هتدفع تمنها غالي أوي من قلبها
ليلي استني يا سيد انا طالعة معاك انا كمان هنام
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.