نظر إليه شاهر مليًا، يتأمل ملامحه التي طغى عليها الإرهاق، ثم قال بنبرة مزاح خفيف امتزج بفضول حقيقي:
برضوا لسه معاندة، راحت فين الهيبة...ياعم أنا فاكر كان نص بنات الجامعة يتمنوا بس بسمة من وِلد عيلة "مهران".

مرر يده على وجهه كأنه يزيح أفكارًا أثقل من أن تُقال، ثم تنهد مجددًا قائلًا:
الموضوع مش بالبساطة اللي أنت متخيلها.. وكمان الحكم على وليد زود الفجوة.
تأمل شاهر صديقه للحظات بآسف قبل أن يميل للأمام، مستندًا بمرفقيه على ركبتيه، ثم قال بجدية:
طيب، أنت هتفضل ساكت.

ابتسم بسخرية مرة وهو يهز رأسه ببطء:
للآسف بحاول، بس بلاقي صد... مفيش فى إيدي حاجه أعملها غير إنى أفضل أحاول لحد إمتى معرفش.

ارتفع حاجبا شاهر بدهشة قبل أن يقول:
طب والإستئناف، المُدة خلاص قربت تنتهي، حتى لو دُرة مقدمتش إستئناف، مش المفروض النيابة تقدم إستئناف عالحُكم... ليه
النيابة ساكتة لغاية دلوقت، تفتكر منتظرة تقدمه في آخر الوقت.

أشعل سيجارة ونفث دخانها وأجابه:
معتقدش النيابة هتقدم إستئناف.
بدهشة سأله شاهر:
طب ليه؟.

أجابه بتفسير:
إنت عارف إن أخو مرات خالي عضو مجلس شعب وأكيد مرات خالي إتمحلست له وتلافيها دخلت له من ناحية المصلحة، إن وليد لما القضية تتقفل طبعًا مش هيمسه أي سوء من ناحيتها ان إبن أخته قاتل، هيزعزع هيبته،طبعًا قفل القضية من مصلحته وممكن يكون إستخدم نفوذه فى وقف القضية.

تفهم شاهر ذلك لكن عاود سؤال طوفان قائلًا:
عندك حق وفى حاجه كمان إنت ممكن تكون السبب فيها بشكل غير مباشر.
بإستفسار نظر له طوفان سائلًا:
إيه الحاجه دي؟.
أجابه شاهر:
ممكن يكون عاملين زي مُجاملات وإستثناءات بسببك منصبك السابق إنك كنت زميل لهم ناسي إنك كنت "وكيل نيابة".

نفث طوفان دخان السيجارة،ثم تفوه بآسف:
للآسف وكيل نيابة سابق، لو كنت لسه فى منصبي كنت قدمت الإستئناف من تاني يوم صدر فيه الحُكم
كده يبقى الإعتماد على إستئناف صاحب الحق
اللى هما أهل اللى .

تنهد طوفان بآسف قائلًا:
واللي منهم دُرة طبعًا،وأنا مش عارف فى دماغها إيه،بس عندي يقين إنها مش هتقدم إستئناف،لانها شافت عدالة القانون ومش هتغامر تاني وتلجأ للقانون.

-والحل؟هكذا تسائل شاهر، أجابه طوفان بالصمت للحظات ثم تحدث بزفر:
للآسف مش عارف، خايف من رد فعل طايش من دُرة، أو من حاتم أخو حسام، إنت مشفتوش فى المحكمة حاول وليد، بصراحة يستحق، لو بإيدي كنت حكمت عليه بالاعدام من أول جلسة، بس للآسف زي ما قولنا قبل كده المحكمة لها الادله والبراهين وشهادة الشهود،وخلاص وليد هيخرج من الأحداث،والقضية إنتهت قانونيًا،خايف من ردود الأفعال الجاية.

تنهد شاهر بآسف قائلًا:
أكيد خوفك الكبير على دُرة لا تتهور،وعشان كده إنت قاعد هنا عشان تبقي قريب منها،بس هتفضل كده لحد إمتي.
أشعل سيجارة ونفث دخانها ينظر له بحِيرة قائلًا:
معرفش الحل الوحيد إن انا ودُرة نتجوز،وقتها هعرف أسيطر على ردود أفعالها.