رامي بيحاول يقتنع من كلام حازم و قاله / ممكن فعلا
فهد قام و رن على روح و هي ردت عليه
فهد / قلبي و دقاته
روح بخجل / فهد حبيبي طمني عليك بقيت فين دلوقتي
فهد بحب / يعني قربنا يا قلبي نوصل وقفنا في مطعم هناكل حاجة و نرتاح شويه و نمشي،

المهم يا قلبي بتعملي ايه و ليه شكلك زهقانه اوي كده
روح / لأن يا فهد انا لوحدي و زهقانه اوي و البيت بأكمله فاضي و مفيش حد و انا قاعده اكلم الحيطان و بصراحة خايفه اوي

فهد / يا حبيبتي خايفه من ايه بس و بعدين يا قلبي القصر مليان حرس يعني يا قلبي متخافيش و كمان الخدم موجودين عندك ف مفيش داعي للقلق
روح باستغراب / يا فهد بقولك لوحدي يعني مفيش ل خدم و لا حتى حرس موجودين و بعدين حرس هيبقوا موجودين ازاي و انت عطيلهم اجازه انهارده هم و الخدم

فهد بدهشه و خوف / ايه اللي بتقوليه ده يا روح انا مديتش ل حد اجازه انهارده مين اللي قالك كده
روح باستغراب / انا كنت ف اوضتي و نزلت لقيت الخدم مشيوا و شفت الحرس و هم ماشيين و أما سألتهم قالولي انك عطيلهم اجازه انهارده

فهد بقلق و خوف/ روح انتي عايزه تفهميني انك قاعده لوحدك دلوقتي و مفيش اي حد خالص معاك
روح باستغراب / اه يا فهد لوحدي و كمان
غريب ايه الصوت ده
فهد بذعر / صوت ايه يا روح
روح / موش عارفة يا فهد صوت جاي من المطبخ

فهد بخوف شديد / روح روح حبيبتي بصي من بعيد و شوفي في ايه
روح راحت تبص من بعيد و اتلقت ٤ شباب داخله من باب المطبخ و شكلهم يخوف
طلعت تجري على اوضته و استخبت و بتنهج جامد و قالت ل فهد على اللي هي شافته

روح / فهد انا خايفه اوي يا فهد انا موش عارفة اعمل ايه
فهد بذعر و خوف و احساس بالعجز انه ينقذ حبيبته
جرى بكل قوته و اخد المفاتيح من على التربيزه اللي قاعد عليه حازم و رامي و جري على العربيه و ساب حازم و رامي و هم قلقانين

فهد في العربيه بيسوق بكل قوته و بيكلم روح بيطمنه مع انه هو اللي الخوف
فهد / روح روح حبيبتي بصي يا قلبي استخبي في الاوضه السريه اللي انا قولتلك عليه قبل فاكره يا حبيبتي
روح بدموع و خوف و عييط جامد / فهد انا موش قادره اقوم من مكاني انا خايفه قوي فهد دول طالعيين على السلم و هيوصلولي و يا فهد

فهد بكل عصبيه ضرب الدركسيون بتاع العربية و سب و لعن الشغل اللي خلاه يبعد عن حبيبته و روحه كده و بعدين افتكر و طلع موبايله التاني و اتصل على رحيم
رحيم رد عليه بنعس و قال/ ايه يا ابني فيه حاجة ولا ايه