فهد كان لسه جاي ينده ل رامي بس روح شاورتله و اخدته و طلعت و سابت سوسن و رامي مع بعض لأنه عارفه ان اخوها محتاج يوداع سوسن لأنه هيسيب البيت ف روح هي الشاهده الوحيده على قصه حبهم ل بعض
خرج فهد و هو مستغرب و بيسأل روح

فهد/ هو احنا ليه خرجنا فجأه كده
روح / لأنهم محتاجين يفضلوا مع بعض شويه لأنهم عمرهم مع بعدوا عن بعض و ده هيبق صعب عليهم اوي
فهد بعدم فهم / و اشمعنا هي بالظبط يعني ما انتوا عندكوا اتنين اخوات تانيين اشمعنا دي اللي حب يودعها يعني

روح / لأن دي اولا موش اختنا، دي بتكون اختي انا، لكن هي حبيبه رامي
فهد بذهول / نعم، ازاي يعني موش فاهم
روح / هفهمك، سوسن بتكون بنت ماما صفيه من جوزها اللي كان قبل بابا ف اما بابا اتجوزها بابا كان معاه انا و رامي و ماما صفيه معاها سوسن ف أصبح سوسن لا هي اختنا لا من نفس الأب و لا من نفس الأم، فهمت كده

فهد بدهشه و بفضول سأل روح
فهد / طب و رامي و سوسن حبوا بعض ازاي كده، و ازاي يحبه و مامتها بتعذبكوا بالشكل ده
روح باستغراب من كلام فهد و ردت عليه و قالتله
روح / طب و سوسن ماله و مال اللي بتعمله فينا ماما صفيه هي ملهاش ذنب و احنا مستحيل نكره و ناخده بذنب مامته ل مجرد ان دي بتكون بنته، ثم احنا عندنا اخوات تانيين من ماما صفيه معقول نكرهم لأن ماما صفيه هي اللي خلفتهم، اي منطق ده يا فهد

فهد خجل من كلام روح لأن هي عندها حق فيه و كل يوم روح بتكبر في نظر فهد اكتر و اكتر
قاطعتهم اخته سمر و هي بتقولهم/ يلا الاكل جاهز
فهد و روح قعدوا على الغدا وكان احساس غريب اوي بالنسبه ل روح لأنه لاول مرة تقعد وسطهم تاكل معاهم على سفره واحده

عند رامي راح ل سوسن ووقف قدامه و رفع و جه اللي كان في الأرض و اتفاجا بدموعه اللي مغرقه و جهها
رامي برقه / بتعيطي ليه
سوسن بحب / لأن انت هتسيبني و هتمشي و خايفه ل تنساني يا رامي
رامي بذهول / و انتي فاكره اني هروح و اسيبك و انساك

رامي شد سوسن من خصره و قربه منوا اوي و قاله برقه دوبت قلب سوسن
رامي بحب / تبقى عبيطه لو مفكره أن انتي ل حد تاني غيري يا سوسن دانا #اي حد مجرد ان يفكر فيكي بس، و بعدين مين اللي قالك اني انا معتش هشوفك

انا هاجي كل يوم اقفلك قدام المدرسه و اشوفك و انتي خارجه
سوسن بفرحه / بجد يا رامي
رامي بحب / بجد يا قلب رامي
يلا خلينا نخرج علشان اتأخرنا عليهم
سوسن / يلا
رامي و سوسن لسه جاين يخرجوا و فجأه رامي داخ و عمل عنده زغلله و مكانش قادر يشوف