يارا / انتي يا غبيه اللي المفروض كنتي توقعي موش انا بس اللي حصل ده جاه في صالحي بردك لأن فهد الغبي شكله قلق و خاف عليه اوي، لازم اخليه يرجع زي الخاتم في أصابعي من جديد
فهد بقلق اشتال يارا وروح وراه هي و رامي وراحوا على العربيه

يارا قعدت وراه و جنبه روح و ساندها و فهد و رامي قدام
شغل العربية وراحوا على المستشفي و عملوا اشاعه على رجليه و طلع فيه كسر و جبسوها و الدكتور طلب من يارا انه تقعد اسبوع في السرير متتحركش و كل ده و يارا مكانتش طايقه حد لأنه كانت بتتوجع بجد و افتكرت نفسها و هي بتوقع

فلاش باك /
يارا كانت بتحط الزيت بسرعه ل روح علشان اما روح تطلع تقع لكن يارا لأنه مسرعه ماخدتش باله انه وقعت شويه زيت قدام السلم اللي هي المفروض كانت هتطلع منه و هي في النص و حطت الازازه فوق السلم

حست ب روح و هي بتدخل من باب القصر ف قامت تجري و شاء القدر أن هي اللي تقع من على السلم
بااااك
وصلوا القصر و فهد شايل يارا و روح حست بنغزه في قلبه بس ما باليد حيلة فهي زوجته في الاخر

فهد طلع يارا اوضته و روح و رامي وراهم حطها و غطها و كانوا لسه هيطلعوا من الاوضه، يارا مسكت ايد فهد و قالتله
يارا / لو سمحت يا فهد ممكن تخليك معايا الليله لو سمحت

فهد اتضايق فجأه و قعد يفكر انه معقول هينام من غير روح و هي في حضنه بس يارا كمان مراته و ليه حقوقها و هي دلوقتي تعبانه و محتاجها بس هو موش عايز يسيب روح

روح قلبها وجعه من طلب يارا و اتجمعت الدموع في عنيه و اتقابلت عيونه مع عيون فهد اللي حس بيه و قلبه وجعه هو كمان من نظرتها اللي كلها وجع
فهد كان لسه هيرد على طلب يارا بس مامته قاطعتهم
الحاجه زينب بقلق / مالك يا حبيبتي ايه اللي حصلك

يارا بدموع مزيفة و تمثيل / اصل انا يا ماما الحاجة سمعت عربيه فهد من فوق ف نزلت جري علشان اشوف فهد حبيبي أصله كان وحشاني اوي فرجلي اتنيت ووقعت
طبعا يارا بتتكلم بثقه بعد ما غمزت ل خدامته الخاصه انه تمسح الزيت من على السلم

الحاجه زينب بحب / طب الحمد لله يا حبيبتي انك كويسه.ثم وجهت كلامه لاسيل
الحاجه زينب / بنتي اسيل خليكي مع مرات اخوكي انهارده علشان لو احتاجت حاجة
يارا ردت بسرعه / فهد لو سمحت خليك معايا

الحاجه زينب باعتراض / مينفعش يارا ده النهارده تلات يوم على جوازهم يا بنتي، لو حد من الخدم شافوها هنا هيقولوا ايه يا بنتي
يارا بإصرار / بس يا ماما الحاجة
الحاجه زينب بصرامه فهي على قد طيبه قلبه على قد ما هي مبتحبش الغلط