حازم و رامي ميتين علي نفسهم من الضحك
و حازم بص للناس من الشباك و قال بضحك/ ممعلش اصل عريس جديد اعقبال عندكوا
فهد بص ل حازم بصه ناريه و رامي ميت ع نفسه من الضحك
و حازم شغل العربيه و مشي

و بعد شويه تليفون فهد رن و أول ما شاف الاسم ابتسم بشده و فتح و رد
فهد / حبيب قلبي والله العظيم وحشتيني
رحيم بضحك / يلا يا بكاش، ايه هو الجواز مره تانيه طلع حلو اوي كده

فهد بتوهان / حلو بس ده حلو و جميل و تصدق ان طلع مفيش احسن من الجواز مره تانيه
رحيم كان فاتح الاسبيكر و كل الشباب و البنات سمعين المكالمه
مراد بضحك / شكلنا هنجرب موضوع الجوازه التانيه دي
ياسمين بصت ل مراد بصه ناريه و هو اصتنع الخوف

فهد بضحك / يا ابن اللذينه يا مراد والله وحشتيني يا ابني و بعدين عايز تجرب و موش خايف ياسمين تعلقك من ع باب الشقه
ياسمين / متقلقش يا ابيه فهد هيتعلق متخافيش عليه
فهد بضحك / و النبي يا ياسمين ابق صورهولي علشان همو. ت و اشوفه متعلق

جاسر بضحك / ايه يا ابني انت ما تتهد شويه انت ما بتصدق ولا ايه توقع الناس ف بعض
فهد بضحك / جاسوري حبيبي اخبارك
جاسر بهزار / كويس يا اخويا ابعد بس بهزارك ده عننا و احنا هنبق كويسيين و خليك انت في الجوازه التانيه

فهد بهزار / هو فيه احسن يا ابني من الجوازه مره تانيه جرب بس و ادعيلي
علي بمرح / لا يا اخويا مفيش احلي من مراتك حبيبتك و بس

فهد / علي، حبيبي اخبارك والله وحشتوني والله العظيم
رحيم بضحك / طب ما تيجي يا ابني و شوفنا بدل ما احنا وحشينك اوي كده
فهد باستغراب / اجي فين

رحيم بضحك / احنا هنا في البلد من الصبح و قولنا نرن عليك تجيب مراتك و تيجي و بالمره نتعرف عليه و البنات يتعرفوا عليه
فهد / بجد يا رحيم انتوا ف البلد، ايه المفاجأة الجميله دي و ازاي يا ابني متقوليش أن انتوا جايين و بعدين انتوا قاعدين فين الوقتي

علي بضحك / يا ابني اهدا شويه احنا جايين نحضر فرح ناس قريبنا هنا و ورنانه عليك علشان تيجي تقعد معانا شويه
فهد بزعل / بس انا موش حاليا في البلد انا مسافر شغل، بس انتوا قاعدين لأمته
رحيم / يعني على بعد بكره كده هنمشي

فهد بفرحه / طب كويس بكره انا هاجي على آخر النهار كده و اروح اجيب مراتي و اجيلكوا
حور / هي اسمه ايه يا ابيه فهد
فهد/ اسمه روح يا حور اسمه روح الفهد
رحيم بضحك / بالسرعه دي بقيت روح الفهد

فهد بهيام / دي قلب الفهد و عقل الفهد و روح الفهد دي هي الفهد بذات نفسه و اه دي بالذات بالنسبالي احلي قسمه و احلي نصيب
حور و نورا و هبه و ياسمين /هييييييييييييح
جاسر بتريقه / يا عيني على الحلو لم تبهدله الايام