وقف بجوارها و قبلها من جبينها وضمها
وفاء بصوت خجول : احنا ممكن ما نخرجش و نسهر هنا كان بمثابة اشارةة خضراء له ليحملها بين يديه و يهمس أمام
شفتيها : احلى من مليون خروجة
يقضى برفقتها أجمل سهرة و هي في حضنه و بين اقبلاته الجنونية
عز : فوفو
وفاء: هااا

عز : صحابي عاملين علينا أدوار يعني كل اسبوع العزومة عند واحد
وفاء : فين المشكلة
عز : انا الدور عليا الخميس اللي بعد اللي جاي
وفاء : تحت امرك طبعا أجمل عزومة .

...عز : يعني ما فيش غلبة عليكي ممكن نجيب جاهز
وفاء : ما تخافش يا قلبي أجمل غداء و حلويات من ايديا انت تؤمر

عز بعشق : هو انا بحبك من شويا
وفاء : و انا كمان
عز بلهفة : ايوة انتي كمان ايه
وفاء بخجل : يمكن عمريش قولتلك لكن انا بحبك و اوي اوي انت عوض ربنا ليا أنا بحمد ربنا انك في حياتي
عز : يا جدع ايه الجمال ده طيب ما تيجي اقولك موضو

وفاء " تاني
عز : تاني و تالت و عاشر هو احنا ورانا حاجة ...
في الشركة في اليوم التالي .
مصطفى : حنسهر فين يا رجالة اليوم
علاء : في نايت فتح في شارع اخر بيتنا يجنن ايه يا عز جاي معانا

عز : لا طبعا انا بفضل اقضي باقي اليوم مع مراتي احسن بكتير
علاء بضحك : يا راجل قول كلام غير كدة حدى يحب يقعد مع النكد نفسه
عز : ده عندكو انا مستحيل تزعلني باي حاجة دي شايلني من عالارض شیل

مصطفى : ما فيش عندها اخت و النبي
عز : لا يا خفيف عندها اخ اشوفهولك

علاء : هههههه اذا كان مش بتاع نكد ينفع برضو ده انا كرهت عيشتي من النكد قبل الشغل و بعد الشغل قبل الأكل و بعد الأكل ٢٤ ساعة بتموت آن مر يوم بدون نكد يا اخي عيشة هم

عز : يا ساتر يا لطيف بعينكوا قل أعوذ برب الفلق

مصطفى : فعلا تتحسد يا ابني اللي عندك دي شيلها بعيونك
عز لنفسه : و بقلبي كمان ما بصدق اليوم يخلص عشان اروح اشوفها
|||&&
الفرح اتأجل لكن ما فيش حاجة تغيرت حبه مش فارق معها الفرح قد ما فارق معها سعادته لكنه كان قلقان جدا على صاحب عمره خرج يطمن او يشوف حصل ايه معاهم

كانت في الغرفة بتنيم في ابنها ابتسمت لما وصلتها رسالة رغم " انشغاله " وحشتيني
ضمت التلفون لحنضها و همست بعشق : بحبك اوي يا عمر دق الباب لتنتفض بفزع من قوة الخبطة حتى ابنها فزع و ارتمى بحضنها

دخلت فادية والدة عمر بابتسامه شماتة وسخرية جلست على كرسي و وضعت قدم فوق الأخرى و هي تتكلم بسخرية : مش قولتلك نحس شوفي حصل ايه في يومين اتنين بس
دعاء : ربنا يسامحك يا فادية هانم