﷽
#طوف. ان_الدُرة "ملحمة طو. فان هزمهُ العشق"
الطوفان الخامس
#سعادمحمدسلامه
❈-❈-❈
قبل ساعتين تقريبًا
بأحد مطاعم القاهرة الفاخرة
سحق عُقب السيجارة بالمنفضة ثم نهض واقفً يمد يده للمصافحة قائلًا:
إتأخرت يا "شاهر"
أبتسم شاهر قائلًا:
إنت عارف زباين مكاتب المحامين بيبقوا رغايين... ربنا نجدك من المهنة دي..وبقيت راجل أعمال.

ضحك طوفان وشعر بحنين لكن تهكم ساخرًا:
يعني كان بمزاجي أبقي راجل اعمال ده كان آخر هدف أفكر فيه فى حياتي، أقعد خلينا نتعشي الأول.
بعد قليل تساءل طوفان:
قولى المعلومات اللى عندك عن دُرة.
أجابه بتوضيح:
دُرة عرضت الشقة اللى هنا للبيع.
إستغرب طوفان ذلك قائلًا:

يعني دُرة قررت تبيع الشقة اللى هنا، معني كده إنها خلاص قررت تستقر فى المنيا.
أومأ له شاهر موافقًا:

أكيد... وده سبب كمان إنها بالتأكيد طلبت منك تسترد الأرض بأي تمن، الشقة إنت عارف إنها فى منطقة راقية وتمنها يفوق ضعف حق الأرض، كمان تقدر بسهولة تبيعها، واللى عرفته إنه جارها اللى كان قصادها كان سبق وعرض يشتريها، بس وقتها والدها رفض، قال إن الشقة تبقي موجودة هنا لهم ينزلوا فيها لما مامتها تجي عشان تزور والدتها وأخواتها، بس طبعًا دُرة الوحيدة اللى تقدر تتصرف وتبيع الشقة دلوقتي لأنها بإسمها، وأكيد طالما قررت ترجع تعيش فى المنيا الأرض أهم بالنسبة لها من شقة تقدر تستغني عنها لان فى بديل بيت جدتها والدة مامتها القديم موجود ومامتها لها حق فيه.

جذب طوفان سيجارة أخري وأشعلها نفث دخانها قائلًا:
كل ده مفهوم، بس السؤال المهم... ليه رجوعها المنيا بالشكل المُفاجئ ده.. ليه عاوزة الأرض بأي تمن.
نظر له الآخر نظرة ذات مغزى قبل أن يرد ببطء:

أكيد عندها هدف.. دُرة مش هترمي فلوسها في الهوا، يبقى أكيد الأرض دي تفرق معاها بشكل كبير.ضيق عينيه وهو يفكر، ثم قال وهو يسحب نفسًا آخر من السيجارة:

الأرض كان عليها نزاع زمان، فاكر أبوها دخل في مشاكل وصلت للمحاكم عشانها مع ولاد خاله... وحتى بعد ما استقرت باسمه باعها فورًا.

ابتسم شاهر ابتسامة جانبية وهو يرد:
أيوه، بس في نقطة تانية لازم تفكر فيها... إنت متأكد إن رجوعها المنيا مجرد استقرار بس؟ ولا فيه سبب تاني؟
رفع حاجبه مستفهمًا، ثم ألقى بعقب سيجارته في المنفضة وهو يتمتم:
متأكد فى سبب تاني وإنت عارفه يا شاهر.

أومأ شاهر مؤكدًا، زفر طوفان نفسه وهو ينظر الى بصيص تلك السيجارة الأخري الذي أشعلها يشعر بوخزات قوية فى قلبه قائلًا:
الحُكم فى قضية قتل حسام وعمي مختار خلاص بعد أيام.
هز شاهر رأسه بآسف قائلًا:

وإنت دارس عارف القانون كويس ممكن ثغرة صغيرة تنهي القضية من قبل ما تبتدي، يعني القانون مش هياخد القصاص المُناسب للجر. يمة.
نفث طوفان الدخان ثم تنهد بعمق وهو يراقب الدخان يتلاشى في الهواء، كأن أفكاره تتبدد معه، ثم تمتم بأسف:

القانون ساعات بيعمي عينه عن الحق، وساعات بيشوف اللي عاوز يشوفه بس... كمان الأدلة الجنائية وشاهدة الشهود فيها ثغرات.
ألقى شاهر نظرة طويلة عليه، قبل أن يقول بنبرة هادئة لكنها مشحونة:
وإنت هتسيب الحكم يمشي زي ما إحنا متوقعين.
ارتفع حاجباه قليلًا، ثم أسند ظهره إلى الكرسي قائلًا ببطء: