ضحكت نور عليه بقوة : يا ابني خلاص دعاء بتحبك و ما فيش حاجة حتبعدها عنك

عمر بجدية : و انا مش حسمح لحاجة تبعدها عني يا نور مش حاسمح حتى لو حسبلهم الدنيا بحالها ...
. نور بخوف : حبيبي ان شاء الله مش حيحصل غير كل خير خلاص بقى أهدى يمكن تكون مبسوطة

بعد ساعتين من التوتر حضرت فادية والدتها التي تسافر اكثر مما تجلس معهم حتى انهم نسوا ملامحها
عمر بتوتر : ست الكل وحشتيني
فادية : حبيبي و انت كمان طمني اخبارك ايه

عمر : كويس يا قلبي طمنيني صحتك بقت ازاي
فادية : صحتي ايه يا واد انا اصبى منك روق
عمر : طبعا يا قمري انت

نور " مامي حبيبتي
فادية : دلوعة قلبي ازيك يا قلب مامي
حضرت دعاء و سلمت على فادية و الجو متوتر جدا و عمر يفرك بيديه خائف من ان تضايقها امه بكلامها
فادية : امممم انتي دعاء

دعاء و هي تنظر لعمر بتوتر : ايوة يا ماما
مشى ناحيتها و ضم كتفها حتى يطمئنها
فادية : لا يا حبيبتي انا مش ماما قوليلي فادية هانم نظرت لعمر الذي كاد ينصهر قلقا و هز رأسه بالايجاب

دعاء بابتسامه : فادية هانم
فادية : سمعت انك متطلقة و عندك عيل
دعاء بصوت أوشك على البكاء " ايوة . عندي ادم
فادية و هي تنظر لعمر : ليه خلصوا بنات العالم حتتجوز وحدة مجربة
دعاء : عن اذنكوا
كلام والدته جعلها تكاد تنصهر الما وقهرا فهي كلما تحاول نسي ذلك هناك من يذكرها انه يستحق افضل منها

عمر : استني يا دعاء .... ليه كدة يا امي لييييييه يعني انتي بقالك سنين غايبة جاية دلوقتي عشان تنكد عليا بأحلى ايام عمري
فادية : استنى يا واد انا عايزة اتكلم معاك
عمر : حاشوف دعاء الأول و راجع
نور : يا امي بحبها
فادية : على جثتي ياخد وحدة على ايدها عيل

نور بغيظ : جيتي ليه يا امي ليه ... جاية تنكدي عليه
تركتها و ذهبت لدعاء و عمر
دق الباب و قلبه يبكي عليها وجدها تبكي تمالك نفسه و تنهد بالم
وقف أمامها و مسح دموعها بشفتيه

عمر : عشان خاطري بلاش دموع انا اسف اسف جدا دعاء : والدتك عندها حق ليه تاخد وحدة .....
عمر : دعاء مش عايز اسمع الكلام ده تاني اتفضلي اضغطي على الزرار اللي يخليني انساكي و أحب غيرك و لا ماما و لا اي حد في الدنيا حيبعدني عنك انا بحبك اوي اوي اوي

دعاء : عمر انت
عمر بعصبية : استاهل احسن بنت في الدنيا و اهي واقفة قدامي و مش حاتجوز غيرها ولا كلامك ولا كلام والدتي حيغير حاجة انتي دلوقتي مراتي رسمي
نور خلاص بقى قالك مش حيتجوز غيرك صراحة مش شايفة عمر لابق على حد تاني غير دعاء

دعاء بابتسامه : بجد یا نور

... عمر : طبعا بجد ... بس ليا عندك طلب واحد عشان خاطري استحملي ماما لغاية الفرح بس وبعدها كل حاجة حتكون كويسة . ما يهمنيش رأيها هيا جاية تحضر الفرح و حترجع تسافر كالعادة عشان خاطري ما تزعليش ما بتحملش عياطك يا دودو اي حاجة تسمعيها افتكري اني بعشقك