نظر لها ليجد انطفاء وجهها عكس ما كانت عليه في الصباح
صعدت بالكرسي الخلفي ليعلم ان ألم قلبها كبير لم تتكلم لكنه كان يسمع انفاسها و سرعتها
حتى وصلت البيت ودخلته لتبدأ بجولة بكاء طويلة في غرفتها

في اليوم التالي كان بانتظارها و قد قرر الاستقالة حتى ! لا يؤلمها أكثر من ذلك ....
آسر : صباح الخير
نور بابتسامه باهته : صباح النور
صعدت بجواره و قد قررت ان تضع حدا لكل شئ و ان تفهم ما به ....
آسر : على فين سيادتك ...
نور بغیظ : سيادتك تاني يا آسر

آسر " العين ما تعلاش عن الحاجب سيادتك
نور بصوت بدأ بالبكاء : ده مقلب صح ...
آسر " دي الحقيقة سيادتك
نور بعصبية : ما تقوليش زفت لاولع بنفسي
آسر بألم : عايزة تروحي فين يا نور
نور بدموع " البحر
آسر : البحر
نور : ايوة إذا ممكن حضرتك

ذهب بها حتى وصل الى مكان عالي يطل على البحر كان يجلس برفقتها فيه
هبطت من السيارة و مشت حتى أصبحت على حفتها جلست تأخذ نفسا
انتظر قليلا ثم اقترب منها
نظرت له و عينيها مليئة بالدموع

اغمض عينيه بقهر ثم همس : ليه الدموع طيب
نور: بتعمل كدة ليه ... ايه اللي غيرك انا زعلتك في حاجة
آسر : عشان انتي نور سليم المليونيرة و انا السواق .. و اي اي حاجة تانية مش حينفع
بصوت بكاء عالي : مش حينفع ليه بس ...

آسر : انتي شوفتي انا عايش فين شوفتي اكلنا شوفتي حياتنا
نور و انا ما اعترضتش و كنت مبسوطة اوي .
آسر : عشان عايشة بقصر ما جربتيش الفقر والجوع والقل
نور بصراخ : انت ليه مش عايز تفهم
آسر ، افهم ايه
نور : بحبك

وضع يده على قلبه يهدأ دقاته لقد رقص قلبه فرحا بل أجمل كلمة سمعها في حياته ... لكنه حلم بعيد عنه
سكت طويلا ثم همس : يلا نمشي
نور : بحبك
ااااه و اااه لو تعلمي كم يعشقك بل متيم بك

ستكتب عنه الروايات والاشعار و ستنسى الناس عنتر وعبلة و مجنون ليلي و لن يكون مثلهم بالحب سوى مجنون نور ...
آسر بخصة : حتروحي البيت
نور بدموع أشد " بحبك اوي
آسر " بلاش بكاء بتقت. ليني يا نور بدموعك

نور : مليون شاب كانوا يتمنوا اكلمهم اغنياء اغنياء البلد بس قلبي ما دقش غير ليك ولا عايز غيرك انا حاعيش معاك عالرصيف حاكل خبز حاف أفضل معاك
آسر " انا حستقيل بكرة سيادتك
لم يتكلم همست مرة اخرى : يعني حتسبني يا اسر صح
آسر بقهر : ما تصعبهاش عليا

نور : عشان كدة انا حاريحك
آسر بخوف : يعني ايه حتعملي ايه
ابتسمت له ثم ركضت بكل سرعتها و ألقت نفسها في البحر
&&&&
عمر : تأخرت ليه دي وحشتني اوي .. يوووه الوقت بطئ اوي ان ما جتش حاروحلها
مرت ساعة عليه قرن لم يستطيع بها ان يعمل اي شئ حتى اشتم رائحتها