نظر لها طويلا وهمس بحنان : ولا احلى من كدة بحبك اوي
جذبها من خصرها والتصق بها دفن وجهه بعنقها يبكي بصوت مسموع فحلم حياتها تحقق
رفع رأسه نظر اليها وهمس : لو موتي دلوقتي حأبقى أسعد واحد في الدنيا

شهقت بخوف وعادت ضمه وقالت بحب : بعد الشر عنك ما تقولش كدة تاني
عمر ؛ ايه يا عم عايزين نلحق الليل قرب يخلص ابقى احضن وبوس براحتك في الطيارة
لكمه عمر مرة أخرى وقال بضحك: مفسد اللحظات الجميلة
ضحكت اسراء عليهم وصعدوا في السيارة المزينة التي يقودها عمر.

.حتى وصلت القاعة اجمل مما تخيلت واضواء وزفة تحيطها الشرطة من كل مكان شخصيات كبيرة تسلم عليهم فرق وعروض أجمل ما يكون ..لكن ذاك العاشق ينظر لها فقط ..اسراء بخجل : انت اول مرة تشوفني بص قدامك

يوسف : تصدقي لو قولتلك حتى بعد ما تجوزنا وبقيتي في حضني كان نفسي اشوفك بالفستان الابيض بس احلى مما تخيلتك
نبض قلبها بشدة وقالت بحب : ربنا ما يحرمني منك انا بحبك اوي اوي
ضم يدها وسحبها يرقص معها

وعند انتهاء الفرح سافرت أكثر من دولة وقضت أجمل لحظات عمرها يتفنن في اسعادها .باااك
فاقت من شرودها عندما وضع جاكيت على اكتافها ودفن رأسه بشعرها وقال يشتمه بعشق وهو محاوط خصرها ظهرها مقابل صدره وقال بحب: تبردي ي روح بقالي فترة ببصلك سرحانة بايه

استدارت ونظرت له تتأمل فيه احتضنت وجهه بين كفيها وقالت بصوت حنون: اللي بيحصل كتير عليا من بياعة في محل لملكة
يوسف وهو يضع يده على شفتيها : هششش ملكة وست الستات يا اسراء ده مكانك من الاول

ادارها والبسها عقد به اسمها واسمه مزخرف وناعم جدا وهمس النهاردة ذكرى جوازنا سنتين يا اسراء احلى سنتين في عمري
نظرت للعقد وقالت : لما بتعملي حاجة حلوة بأضايق عشان انت بتقدر تعبر عن حبك انا لا

ضحك بشدة عليها وقال بصعوبة: انا اسمع الستات بتنكد لما ما يفتكر المناسبات وكدة انتي عكس الناس
اسراء: ههههه اعمل ايه نفس أعمل حاجات تفرحك زي ما بتفرحني
يوسف : ي قلبي انك تفضلي معايا وفي حضني دي اكتر حاجة ممكن تفرحني تعالي اقولك تفرحيني ازاي

وبعد ان قضت برفقته أجمل وقت نامت كأنها لم تنم منذ زمان فابنتها تسهر طوال الليل سمع صوت بكاءها حملها بهدوء وخرج بها جهز لها رضعتها وجلس يعطيها لها وهو يتأملها بسعادة فهي نسخة عن والدتها

يوسف بهمس : ما بتخليش ماما تنام ليه يا ميمو انا اللي يغلب ماما بتعصب منه حتى لو كانت انتي
نظرت الطفله لهو وابتسمت ليشعر بشئ داخله تحرك فحب الأبناء يختلف
رفع عينيه ليرى اسراء تربع اكتافها امام صدرها وتهمس بغيظ لا والله انت قومت من حضني عشان تحضن دي