نهى :اه سميه محترمه اكيد لذلك انا اما جاسر اخد رأيى انقاذا لسمعتك انا وافقت .مهجه:انقاذا لسمعتها ؟؟؟لا جاسر متجوزهاش انقاذا لسمعتها لان سمعتها محدش يقدر يقربلها
نهى وهى تنظر لسميه من اعلى لاسفل :امال واحد زى جاسر تجوز واحده زى يعنى مقصدش
سميه بهدوء :تقدرى تسأليه .

..فى هذا الوقت دخل جاسر الى الحجره ولاحظ ان الجو متوتر ولكن لم يعلق ..جاسر :يلا بينا بأى طالما اتفرجتم على الفيلا
مهجه:يلا ........فور أن اتجهوا لسيارة جاسر اسرعت نهى للركوب بجانبه مما اثار ضيق سميه ولكن لم تظهر هذا الضيق ...فى السياره ..جاسر :معلش معرفتش اكمل كلامنا .

.الفيلا عجبتكم
اسرعت سميه بالرد قائله :جميله ربنا يبارك فيها
نظر جاسر اليها من مرآة السياره وقال :ويبارك فيكى يا رب ثم التفت الى مهجه قائلا :وعجبت مهجه؟مهجه :مممم حلوه
جاسر :مممم حلوه ماشى
...اوصل جاسر مهجه وسميه الى الفيلا الخاصه بهما وانطلق الى منزله مع نهى

فور دخولهم المنزل ..ارتمت نهى على الاريكه وهى تتصنع البكاء ..جاسر بفزع :نهى مالك
نهى :مالى ؟؟؟اهئ اهئ اهئ وهو انت حاسس..جاسر :انت كنتى كويسه جدا فى ايه
نهى:فى انك هتقعدنى مع حربايتين ..جاسر بضجر :حربايتين مره واحده

نهى :اه تخيل يا جاسر ان سميه تقلى انا كنت عاوزه الاوضه اللى انتى اختارتيها عشان فيها بانيو اكبر
جاسر باستفهام :بمعنى ؟؟نهى :بمعنى انها بتقلى عشان انا وجاسر ناخد راحتنا يعنى وكده
جاسر وهو يضيق عينيه ::سميه قالت كده يا نهى ؟

؟نهى ::ااه قالت
جاسر :متأكده ؟؟نهى :امال انا هتبلى عليها
جاسر :لا يا نهى ..بصى يا نهى انت وسميه هتكونوا مع بعض فى بيت واحد..يعنى عاوزك تكونى متفهمه الوضع اكتر من كده ..نهى :جاسر انا تعبانه اوى وحسه بخنقه مش متخيله ان واحده تانيه تشاركنى فيك .

.جاسر وقد أخذها بين أحضانه :انتى عهدك بيا انى ظالم ؟نهى بصدق :عمرك ما ظلمتنى يا جاسر
جاسر :خلاص اطمنى كده ومتخليش اى حاجه تقلقك
نهى :حاضر يا قلب نهى ........................................................جالس اما المسبح ممسكا بهاتفه لاحظ نظرات زملاؤه بالحراسه الخاصه بفيلا مازن ..لاحظ ان نظراتهم تتجه لنقطه خلفه .

..التفت خلفه بحذر فصعقه منظر الفاتنه الحمقاء وهى فى المسبح بزى المسبح الذى يفضح جسدها ..فما كان منه ان التقط الروب الخاص بها واسرع الى المسبح ..حازم :ايه اللى انتى عملاه ده ؟؟تجاهلت مهجه عبارته واستمرت فى السباحه
حازم :ردى يا بتاعه انتى .

.مهجه :ايه مين اللى بتاعه دى ؟؟انت ناسى انك مجرد موظف هنا ..حازم :من غير كلام اطلعى يلا وخدى الروب ده البسيه من سكات ..مهجه:اجرى يا بابا العب بعيد..حازم:مهجه اطلعى احسنلك
لم ترد مهجه فما كان من حازم الا ان دلف الى المسبح واجبرها على الخروج بعد ان البسها الروب غصبا داخل المسبح.