هه عادى طبيعى مش هتخافى ان راجل يلقاكى ولا يتعرضلك بالعكس شكلك هتنبسطى ..سلمى بصراخ : نزلنى نزلنى ..خالد : اخرسى انا زى ما جبتك هنزلك فى العمار ...انت مرخصه نفسك اه لانك رخيصه ..لكن انا عمرى ما هكون سبب ان حد يتعرضلك هنا ..

سار خالد بالسياره فى صمت لا يقاطعه الا نحيب سلمى ...وصلت سيارة خالد الى منزل سلمى فأسرعت بالنزول منها وهى باكيه ...نزل خالد مسرعا ورائها وقبل دخولها من باب المنزل كان قد امسكها من ذراعها ...خالد : مراد مهددك بإيه ؟سلمى بنحيب : مش مزفتنى ولا يقدر اصلا .

.خالد : والله ...ممممم طيب والصور والفيديوهات اللى كنتى بتكلميه عليها ؟سلمى وقد توترت فهى أبدا لن تفشى سر مهجه أخت خالد فى الرضاعه قبل ان تكون ابنه خالته ...سلمى : ها ..والله مش بتاعتى
خالد بانفعال وهو يشددقبضته على ذراعها : امال مين ؟سلمى : اعفينى يا خالد ارجوك ..

خالد : انطقى اما تقولى مين او هعتبرك كدابه ..فاهمه ..سلمى وقد ازعجها ان تكون كاذبه. فى نظر من أحبت فهى تحب خالد جدااا ولكن لا تظهر ذلك ...سلمى: والله مابكدب صدقنى ...ثم انحنت بحركه. لا اراديه تحت قدم خالد وامسكت بها .

..سلمى : ابوس رجلك صدقنى انا مش كدابه ...خالد بلاش انت تظن بيا سوء لانى مش هتحمل ..مشاعر وأحاسيس مختلفه تقاذفت خالد فور أن ألقت سلمى نفسها بين قدميه فما كان منه الا أن أخذها بين أحضانه مهدئا لها ..خالد : سلمى مش عيب اننا نغلط بس العيب اننا نستمر فى الغلط .

.صارحينى وانا هحميكى والله ..ابتعدت سلمى عن حضنه وهى تبكى بشده ..سلمى : والله ما انا والله ما بيهددنى انا ..خالد : طيب مين وانا هوقفه عند حده ؟سلمى بحذر : كل اللى أقدر اقوله انى لو احتجت مساعدتك هقلك ..خالد : ماشى يا سلمى وافتكرى دايما انى معاكى .

......................فى التلفون ...مهجه : انتى اتجننتى يا سلمى تقولى لخالد ؟سلمى : افهمى خالد بيشك انه انا غير ان مراد عاوز فلوس ..مهجه : مين قال كده ..مراد كلمنى وقالى انت باعتالى صحبتك يا مهجه ومش واثقه فيا ..سلمى : انتى غبيه يا بت ..مش هو اللى اجبرك تقلعى اما بعتلك صورك وفيديوهاتك .

.مهجه : بيقلى انى كنت وحشاه وكان عاوز يشوفنى واضطر يعمل كده عشان أقلع ..سلمى بصدمه : انت بتتكلمى عادى كده ليه ؟ انت عجبك الورطه اللى انت فيها ؟مهجه : مش ورطه ولا حاجه ..انتى اللى كبرتى الامور ولو كنت صبرتى كان الامر اتحل لوحده ..سلمى : انتى واعيه لكلامك يا مهجه ؟

مهجه بضجر : يوووه يا سلمى ..اه واعيه ..خلاص بأى ويا ستى شكرا على اهتمامك ..سلمى : يا سلام بعد كل ده تقوليلى كده وبعد شك خالد فيا ..هعمل ايه بشكرا دى ؟مهجه : اااااه قولى كده يبأى مراد كلامه صح ..انتى بتعملى كده عشان تبانى انك كويسه ادام خالد.