رامي برقه / ممكن اعرف بتعيطي ليه

سوسن اترمت في حضن رامي جامد و هو كان ضمها بقلبه قبل عينيه و قعد يطبطب عليها لحد ما هديت
رامي بمكر / خلصتي دموع و لا لسه حنفيه هتفتح دلوقتي

سوسن ضربت رامي بصدره و هو ضحك و رفع وشها ليه و قاله
رامي برقه / ممكن اعرف بتعيطي ليه بقا
سوسن / لأن انت نسيتني يا رامي

رامي بذهول / انا، انا انساك يا سوسن معقول تصدقي أن انا انساكي
سوسن انفجرت فيه و قالتله و هي بتخبطه على صدره طول ما هي بتتكلم
سوسن بدموع / تعرف ان انا معرفتش انام طول ما انت بعيد عني، تعرف ان انا فضلت اعيط كتير و انت بعيد عني، تعرف ان انا مكنتش بأكل ولا اشرب كويس طول ما انت بعيد و انا بفكر فيك، تعرف ان كل يوم اجي اقعد هنا بالتلات ساعات على امل انك تيجي و مبتجيش و اروح اضرب من ماما علشان بتأخر و هي عارفه كويس اني بقعد و استناك

رامي مقدرش يتحمل شهقاتها و دموعها و شدها و حضنها جامد اوي و قاله
رامي بحنيه و حب / لو تعرفي وحشتيني قد ايه يا سوسن بجد انا كمان لو تعرفي اتعذبت في بعدك عني قد ايه و ان انا طول ما انا بعيد عنك و انا بفكر فيك ليل نهار وحشتني اوي يا قلب رامي

سوسن بدموع / و انت كمان وحشتني اوي اوي اوي يا رامي
رامي قعد و هي في حضنه تحت الأشجار و نسوا الوقت و فضلوا حضانين بعض و موش عايزين يسيبوا بعض

نسيبهم يقعدوا يحبوا في بعض و نروح ل حزومتي
حازم بعد ما خلص شغله اللي كلفه فيه فهد و طلع بتعب على السلم و موش قادر يفتح عينيه لأن كل الشغل عليه لحد ما يرجع فهد على الشغل

حازم طالع على السلم و حاسس ان هو دايخ و موش قادر يمشي سند على تربزين السلم و حس خلاص ان هو هيقع لولا الايد اللي لحقته

مريم كانت في اوضته و حست بالعطش و نزلت علشان تشرب و اتلقت حازم ماسك دماغه و موش قادر يمشي جرت بسرعة و لحقته قبل ما يقع
مريم بخضه و لهفه / حازم، حازم جرالك ايه انت كويس

حازم بدوخه / اه انا كويس متقلقيش انا
مقدرش يكمل كلامه و كان هيوقع من طوله و هي بسرعه ساندته ووداته على اوضته

مريم ساندت حازم ووداته على اوضته و نايمته على السرير و غطتها و كانت جاي علشان تخرج ف حازم مسك ايديها و قاله
حازم بتعب / متسبنيش انا محتاجلك يا مريم
و نسيبهم شويه و نروح ل فهد

فهد كان رايح على اوضه يارا و هو غضبان و قرر أن هو هيعاقبه أشد عقاب و مع انه روح اتحايلت عليه كتير بس قرر يروح يعاقبها على هي عملته

كان لسه جاي يفتح الباب ف جاله تليفون بعد شويه و راح رد على تليفونه و رجع فتح الباب و دخل على يارا اللي ماتت من الرعب أول ما شافت فهد
يارا بخوف شديد / فهد انا
قطعت كلامه و اصدمت اما شافت فهد شدها ل حضنه