هارون قرب منها وبص لعيونها جامد وقال انا هعتبرك تعبانه دلوك وغضبانه ومعرفاش نفسك بتقولي ايه...بس فيه سؤال عايز اعرف اجابته ... ليه فهمتيني من يومها انه في بينكم حاجه ليه فهمتيني انو لمسك
فتنه حاول تصتنع القوه وقالت انا فعلا كنت معاه اكتر من مره

هارون ضحك جامد وقال... انتي عارفه اني دخلت عليكي يعني كلامك ده خلاص مبقاش له معنى
فتنه بلعت ريقها بارتباك وقالت انت عايز ايه دلوقتي اللي قولته قولته وخلاص
هارون ابتسم وقال..بس اللي قولتيه ده كان هيقتلني
فتنه قربت منه وقالت... يا ريته كان قتلك وارتحت

ولسه هتمشي شدها من ايدها عليه بقت في حضنه وقال كذابه احلفي كده هترتاحي.

فتنه سكتت وبقت تبصلو بدموع وهارون بص لعيونها جامد وقال مستحيل الحب ده كله اللي في قلبي يكون وهم واكيد في حاجه جواكي ليا وإلا مكنتيش وافقتي على جوازنا.. لو كنتي فعلا رايداه وحباه كنتي قولتي لجدك عليه

فتنه مقدرتش تسكت ونزلت دموعها وقالت بانفعال. وافرض مبحبوش .. ليه عملت فيه كده ليه يموت واحد بسببي وكل ذنبه انه كان عايزني ..انا رفضت علشانك رفضتو علشان ما بقاش رفضتك انت يا ولد عمي علشان الغريب ليه تعمل فيا كده وتشيلني ذمبه ليه وبقت تبكي جامد

هارون نزلت دموع وقال مش هتحس باللي حسيته يا فتنه...عارفه يعني ايه اكون لسه كاتب كتابي عليكي وعريس وفرحان وسط الناس..وياجو يقلولي مرتك هربت مع واحد ثاني ..لو اي راجل مكاني كان قتلكم انتم الاثنين ...وبعد عيونه عنها وبص بعيد وقال...

بس انا ما قدرتش اعملها يا بت عمي..حسيت يدي هتتشل قبل ما اذيكي وكاني هقتل نفسي... انا دخلت السجن بسببك.. بسبب انك مداريه عليه.. انتي لو قولتي حاجه زي ان في حد رايدك وممكن يعمل حاجه زي كده واكيد كان عندك علم كنا من الاول امنا المكان ومكانش قدر يوصلك ولا كان حصل كل ده

نزلت عيونها بحزن هي فعلا كانت عارفه ان صابر ناوي يعمل كده قال لها اكثر من مره وهددها انها لو مهربتش معاه هيخطفها..بس خافت ما تتكلم ..اتنهدت وقالت الكلام ده مش هيفيد بحاجه تصبح على خير قالت كده وراحت ناحيه السرير

هارون كمان راح ناحيه السرير ولسه هينام بصتله بحده وقالت يعني اكيد من نفسك وفيش داعي اقول لك مش هنام جنبك
هارون ضحك وقال لا ما انتي مش هتنامي جمبي انتي هتنامي في حضني على ذراعي

فتنه بصتله بدهشه من الثقه اللي بيتكلم بيها وقالت لا والله ...لا وايه ما شاء الله عليك واثق من نفسك قوم يا هارون وعدي ليلتك على خير

بس هارون شدها عليه بسرعه وقوه بقت في حضنه وحط رجله عليها علشان يمنعها تتحرك وقال.. نامي ده انا ثلاث سنين بنام على البرش وبحلم باليوم ده فرشه ناعمه وطريه واحده ناعمه وطريه جاري الواحد هيعوز ايه ثاني من الدنيا