فتنه جريت عليه وجدو سحب السكين من ضهره بسرعه وربط الجرح وقال ..هاتو الحكيم..بسررررررعه
فتنه حطت راسه على رجلها وهي بتمسح له عرقه وبتبكي بشده وبتقول ...والنبي بسرعه يا جدي قولهم بسرعه

وبقت تحضن دماغه ليها وبتقول... يا حبيب فتنه يا قلبي... يا قلبي يا هارون رد عليا يا حبيبي ما تصدقش اي حاجه من اللي قولتهالك انا مقدرش اعيش من غيرك ولا اعرف احب غيرك يا حبيبي وانبي تقوملي يا هارون

هارون مسح دموعها وبصلها بعشق وابتسامه وقال بالم انا كفايه عليا قوي كده والي سمعته منك دلوك سعاده عمر بحاله سامحيني يا حبيبتي ولو جرالي حاجه..
بس قبل ما يكملها حضنته بقوه وقتلت...لا .لا انت هتفضل معايا يا قلبي هتفصل معايا..ربنا كبير يا هارون

في الوقت ده وصل الدكتور والغفر اخذوا هارون على اوضته وفتنه طلعت معاه وهيه ماسكه ايده وبرغم خوفها الى انها اتغلبت عليه ووقفت مع الدكتور وهو بيخيط له الجرح وكانت حاضنه هارون ليها بقوه وهو بيتالم في حضنها لحد ما الدكتور خلص خياطه وعقم الجرح

هارون فضل اليوم كله تعبان وفي اثر البنج وكل شويه ينام وكانت فتنه جنبه وتقريبا طول اليوم في حضنها بالليل فتح عيونه لقى نفسه حاطط راسه على رجلها وهي متكأه على تلسرير ونايمه
هارون ابتسم وقال بهمس فتنه..
فتحت عينيها بلهفه وبصتلو وقالت ..قومت يا حبيبي ..انت كويس حاسس بايه

هارون ابتسم وقال..حاسس قلبي تعبان قوي من البنج حرام دلوك تقوليلي يا قلبي ولا يا عيوني مهستحملش
فتنه اتنهدت بارتاح لما قال كده وضربته في كتفه بخفه وقالت يا اخي خضيتني عليك كنت هموت

هارون قال بسرعه...بعيد الشر على قلبك وعيونك بقول ايه لما كنا تحت واحنا مستنيين الدكتور مش عارف كنت بهلوس سمعت كلام زي السكر مش عارف اتقال صوح ولابيتهيألي

فتنه نزلت وشها بكسوف وقالت.. كلام ايه يعني
هارون ابتسم وقال كلام زي اللي بيرد الروح ده زي ما تكوني قولتيلي يا حبيبي ويا قلبي
فتنه ابتسمت بكسوفه وقالت...ده من اثر الضربه بس
هارون ضحك بخفه والم وقال.. الحاجات دي وداني ما تكدبش فيها واصل

فتنه بصت لعيونه وقالت.. انا..احم انا مقولتش غير الا حساه انت فعلا قلبي ومن زمان ياض
هارون ضحك بقوه وقال ياض.. والله واتساوت الروس ..بس عافه انا حاسس اننا زي ما نكون منظورين او حد عامل لنا عامل انا اقوم من حضنك عشان اتضرب بالسكين

فتنه حضنتو ومشيت ايدها على شعره وقالت بس بعد السكين رجعت تاني لحضني
هارون قال..اصلا مليش مكان تاني غيره ولا عايز يبقالي.. معايزش غيرك من الدنيا... اول ما ربنا يكتب لي الشفاء هنطلع على اي بلد سياحي. ونقضي شهر عسل كيف ناس البندر هاخليكي مبسوطه وبس