فتنه جسمها قشعر من كلامو وقربو وكانت بتبصلو بغضب
هارون ضحك وقال...حلو الخوف الي شايفو في عنيكي ..بس لسه هشوف اكتر منو ..وانتي بين اديا..الليله دخلتك يا عروسه
قال كده واتوجه ناحيه الحمام بس اتجمد مكانو لما قالت..لا..دخلتك انت..انا دخلت من زمان يا ولد العم معلش بقى سبقتك

اتسعت عنيه لما كانو هيطلعو من مكانهم وبصلها بسرعه وغضب مرعب جدا
دخلتك انت..انا دخلت من زمان يا ولد العم معلش سبقتك
اتسعت عنيه لدرجه كانو هيطلعو من مكانهم وبصلها بسرعه وغضب مرعب جدا وقرب عليها وقال...عيدي الي قولتيه

فتنه كانت بترتجف من جواها بس اصتنعت القوه وقالت..لا صدق ودانك الي سمعتو صوح مفيش داعي اعيد...

هارون محسش بنفسو لما قالت كده غير وهو بيضربها بكل قوتو قلم في التاني وقعت على الارض وهجم عليها بقى يخنقها وهو بيقول ..وبتقوليها قدامي يا فاجره يا خاطيه يا قليله الحيا والله لادفنك مكانك يا فاجره

فتنه بقت تصرخ بكل قوتها وخلاص بتتخنق وهتموت في ايده وهو مش راضي يسيبها وكل شويه يضربها
جدو كان على الباب جيه على صوتها بقى يخبط بكل قوته على الباب ويقول افتح يا هارون همل البت افتح يا هارون

بس هارون مكانش راضي يرد عليه ابدا ورتيبه كانت بتلطم وجدو نادى على واحد من الغفر بسرعه وقال اكسر الباب بسرعه يا حسنين
حسنين قال بخوف بس يا بدران بيه
بدران بصله بغضب وقال انت تسمع اللي انا اقول لك عليه اكسر الباب

وفعلا كسر الباب ودخل هو والغفر اللي كانوا بيسحبوا هارون بكل قوتهم وجده شد فتنه وحضنها وهو بيقول بغضب ارجع لوعيك يا هارون لأخبطك عكاز يجيب اجلك فوق
هارون كان بيبص لها بحقد وهي شبه خلاص بتموت مش قادره تاخد نفس جده بقى يحاول يسقيها ميه وبيقول حقك عليا يا بنتي حقك عليا انا

هارون بصله بغضب وقال دي المفروض تتدفن المفروض تدفنها بيدك الخاطيه اللي ما شافتش يوم واحد تربيه
بدران قال بغضب ..هو انت اللي ما تربيتش .. واشش اخرس ما تجيبش سيره بنت عمك الرجاله واقفه

وبص للغفر وقال كل واحد يرجع على شغله خلاص الغفر مشيوا وهارون كان بيبص لها بحقد وقال ..مرافقاه من ميته.. ردي عليا من ميته كنتي مقرطسانا وبتروحي له انطقي

فتنه مكانتش قادره ترد عليه وبدران قال بغضب ...انا الف مره قلت لك البنيه اتخطفت اتخطفت يوم الفرح اتخطفت ما راحتش معاه بكيفها

هارون ضحك بسخريه والم وقال.. انا مش عارف كيف خايل عليك الكلام ده يا جدي.. مش عارف.. بس اذا كنت انت واخدك اللين معاها علشان هي بت ولدك فانا مش هسكت على شرفي اللي مرمطته في الارض وبص لفتنه بنظره مرعبه وقال..راجعلك ثاني يا بنت العم