سراج ضحك بقوه وقال ...لا دي حاجات متعوده عليها في الافلام الهندي مش المصري..وبعدين انتي بترغي ليه ..انا اصلا مش بحب افتكر الحاجات دي
بصتلو بحزن و قالت بتوحشك لما بتفتكرها
بص لعيونها وتاه فيهم وقال .. ما غبتيش عن بالي يوم اصلا علشان افتكرك
شمس اتصدمت باللي قالوا وسراج خد باله من كلامه وقال.. قصدي ما غابتش عني ..هي يعني ... انا هنام تعبان.. تصبحي على خير
قال كده ونام بسرعه و شمس بصتلو بابتسامه و مددت وقالت ..انا صحيح ما اعرفتش عن علاقتكم حاجه منها بس عرفت منها كتير قوي عنك كانت بتحكي عنك ليل نهار ..تصدق اتمنيت لو الاقي واحد في المانيا زيك مش مهم جنسيته ايه ولا مركذو .
..وطبعا ده مش اصتياد ولا توقيع زي ما انت بتتهمني..انا بس بدردش معاك واحكيلك اللي حصل يعني
سراج ابتسم وقال... طب وانتي
شمس قالت باستغراب انا ايه
سراج قعد وقال باهتمام ...يعني ما اتخطبتيش ما اتجوزتيش عارف ان سنك 24 لانك توأم شهيره وعارف ان سنك ده صغير جدا خصوصا في البلاد الاجنبيه يعني يمكن لسه ما فكرتيش حتى و ممكن برضو يكون فيه حد في حياتك وموضوعنا اثر على علاقتكم .
. انتي تعرفي حد مرتبطه بحد او مقضياها مع حد زي الناس اللي هناك ما بتقضيها
شمس ضحكت وقالت...لا طبعا ايه مقضياها دي لا محصلش ..انا اتعرفت على كذا حد ومكتنوش منايبين كنت عايزه راجل بجد..بس ما تخافش مش مقضياها
سراج بصلها بسخريه وقال...مش مصدق مش داخله دماغي انا عارف تن هناك حكايه الجواز دي بتبقى بعد العيل الرابع
شمس ضحكت تاني وقالت... على فكره انت بتمـ,ـوتني ضحك..انا بابا من هنا وماما فضلت معاه فتره كبيره هنا يعني مش ده الي اتربيت عليه ولا دي اخلاقي اصلا بس يعني كان عندي بوي فريند وكده يعني و
سراج قاطعها و قال بسرعه.. ايوه كده تعالي في الدغري علاقتكم بقى كانت واصله لفين يعني ..يعني وصلت لحد شقتو ولا
رمت المخده عليه وقالت... ملكش دعوه اصلا كل الحاجات دي ملكش دعوه فيها انا غلطانه اني بكلمك
سراج اتنهد وقال...يبقى لشقتو انا متاكد بس مهمنيش على فكره.. انتي حره ...واتنهد بحزن وقال...بس هتفضلي حره لامتى شوفي اي وقت تحبي تخلعي تمام اصلا مش هينفع تفضلي كده وانتي لسه في عز شبابك
شمس ابتسمت وقالت..بس انا مش هخلع ما تخافش وبعدين انت ليه حاطط في دماغك ان انا اللي هخلع مش يمكن اخليك انت اللي تخلع من الهم اللي انت فيه ده كله
سراج رفع عينيه ليها لما سمعها قالت كده وهو مستغرب من كلماتها الصريحه اللي بتيجي فجاه
شمس بصتلو بابتسامه وقالت.. ممكن اطلب منك طلب ..ممكن تيجي تنام على سريرك احنا مش اطفال يعني ولا مراهقين علشان تنام على الكنبه نقدر ننام سوا السرير واسع عادي جدا لو سمحت بجد انا متضايقه ان انا هنام على السرير ده كله وانت نايم على الكنبه وبعدين ده موضوع هيطول مش يوم ولا اتنين يلا تعال
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.